Matura Shtetërore 2014, Gjuha e huaj, provim me detyrim. Ja udhëzimi i plotë i MAS

GAZETA PANORAMA
e Enjte, 26 Dhjetor, 2013 | 15:48 pm
TIRANE- Ashtu siç ishte paralajmëruar më parë, gjuha e huaj do të jetë provim me detyrim në Maturën Shtetërore 2014. Vendimi është zyrtarizuar sot nga Ministria e Arsimit dhe Sportit, nëpërmjet një udhëzimi që mban numrin 60, për zhvillimin e maturës shtetërore të vitit 2014-të.
Kështu, provime te detyruara do të jenë Gjuhë Shqipe dhe Letërsia, Matematika dhe Gjuhë e huaj. Sipas këtij udhëzimi të MAS, testi i gjuhës së huaj do të hartohet në përputhje me gjuhën që parapëlqen secili maturant/kandidat në nivelin gjuhësor A2. Menuja e gjuhëve të huaja në provim do të jetë anglisht, italisht, frëngjisht dhe gjermanisht. Preferencat e maturantit/kandidatit për ketë provim do të pasqyrohen në Formularin A1 dhe A1Z. Testi gjuhës së huaj si provim i detyruar do të hartohet nga AKP dhe provimi do të administrohet nga DAR/ZA-të përkatës. Vlerësimi do të realizohet nga AKP-ja sipas një udhëzimi të ministrisë.
Sa i përket lëndëve me zgjedhje, ministria ka publikuar listën e tyre, ndërsa çdo maturant/kandidat duhet të zgjedhë dy lëndë, shuma e krediteve të të cilave duhet të jetë jo më e vogël se 8-të. Ky udhëzim hy në fuqi menjëherë.

UDHEZIMI I PLOTE I MAS

Kush garon me A3

Në raundin e dytë kanë të drejtë të marrin pjesë të gjithë maturantët që kanë konkurruar në raundin e parë me të njëjtën renditje preferencash të atij raundi. Nga kjo e drejtë përjashtohen fituesit në preferencën e parë, të cilët janë regjistruar në këtë program studimi dhe maturantët të cilët nuk kanë kërkuar vazhdimin e konkurrimit për preferenca më të larta gjatë regjistrimit online dhe që rezultojnë të regjistruar në programin e studimit të preferuar. Pas listës paraprake, Agjencia Kombëtare e Provimeve bëri me dije se kishin mbetur rreth 3200 kuota të paplotësuara.

Formulari A3 do të publikohet më 15 tetor, bashkë me udhëzimin për plotësimin e tij nga kandidatët. Sipas Agjencisë Kombëtare të Provimeve, formati i tij do të jetë i njëjtë me atë të një viti më parë, ashtu sikurse edhe mënyra e plotësimit. Ndryshime do të pësojnë vetëm programet e studimit, që do të përfshihen në të për 14 institucionet publike të arsimit të lartë. Formulari A3 është mundësia e vetme për të siguruar një vend në auditorë për të gjithë ata që në fazën e parë nuk arritën të fitojnë një shkollë të lartë. Numri i plotë i programeve do të mësohet pas datës 13 tetor, kur përfundon afati i regjistrimeve në sekretaritë e fakulteteve. “Universitetet janë të detyruara të deklarojnë pranë AKP-së kuotat e mbetura bosh, të cilat do të jenë pjesë e formularit A3. Vetëm pasi të përfundojë regjistrimi, do të mund të dimë me saktësi sa është numri i këtyre kuotave”, sqarojnë drejtuesit e AKP-së. Deri tani, sipas përllogaritjeve, ka më shumë se 3 200 kuota të paplotësuara. Shifrës që raportoi Ministria e Arsimit, pritet t’i shtohen edhe vende të tjera, si pasojë e largimit të të rinjve jashtë vendit apo mospëlqimit të preferencës ku kanë fituar. Detajet e formularit A3 dhe afatet e plotësimit do të bëhen publike për të rinjtë nëpërmjet një udhëzimi që Ministria pritet të nxjerrë brenda këtyre ditëve. Ajo çka e dallon këtë fazë nga të tjerat, është se të rinjtë tashmë do të futen në sistem për të konkurruar me pikë vetëm për kuotat e shpallura bosh në degë që ndoshta ata nuk mund t’i kenë preferuar t’i ndjekin, por që janë të kushtëzuar t’i zgjedhin, pasi ky është i vetmi shans që ata të behën pjesë e studentëve të universiteteve publike në vend. A3 do të jetë faza e fundit e pranimeve në institucionet e arsimit të lartë. Ndryshe nga sa ka ndodhur gjatë viteve të shkuara, këtë vit plotësimi i formularit A3 do të lejohet edhe për maturantët mbetës në një nga provimet e maturës, por me kushtin që këta maturantë në datat e përcaktuara nga Ministria e Arsimit për sezonin e vjeshtës të jenë vlerësuar me nota kaluese.

Regjistrimi nis më 8 tetor. Kush do plotësojë formularin A3

Shpallen listat e fituesve për të gjitha degët në të gjithë vendin. Maturantët që kanë  shanse për Formularin A3. Regjistrimet, në fakultete.

Regjistrimi nis më 8 tetor. Kush do plotësojë formularin A3.

Shpallet lista përfundimtare e fituesve në shkollat e larta publike. Ministria e Arsimit dhe e Sporteve publikoi dje edhe pikët e fituesit të fundit për secilin nga programet e studimit. “Sekretaritë mësimore të fakulteteve, nga datat 08 – 13 tetor 2013, prej orës 08:00 deri në orën 18:00, të pranojnë dokumentacionin plotësues për të gjithë kandidatët fitues”, ka vendosur Ministria e Arsimit. Sipas saj, kandidatët duhet të dorëzojnë personalisht dokumentet e kërkuara, si: dokument identifikimi, 2 fotografi dhe mandat arkëtimi i tarifës prej 1600 lekësh. Kjo është faza përfundimtare e regjistrimit në universitete. Gjatë kryerjes së procedurës së dorëzimit të dokumentacionit plotësues, sekretaritë mësimore të fakulteteve mbajnë regjistër të veçantë me të dhënat mbi datën dhe orën e dorëzimit, si dhe nënshkrimin e kandidatëve fitues dhe sekretarisë mësimore”, thuhet në udhëzimin e MASH. Ndërkohë, pas mbylljes së regjistrimeve do të publikohet formulari A3. Në të do të përfshihen të gjitha programet e studimit në të cilat kanë mbetur sërish kuota të paplotësuara. Pas publikimit të këtij formulari të interesuarit do të kenë disa ditë kohë për plotësimin e tij dhe më pas do të shpallen emrat e fituesve. Ndryshe nga sa ka ndodhur gjatë viteve të shkuara, këtë vit plotësimi i formularit A3 do të lejohet edhe për maturantët mbetës në një nga provimet e maturës, por me kushtin që këta maturantë në datat e përcaktuara nga Ministria e Arsimit për sezonin e vjeshtës të jenë vlerësuar me nota kaluese. Në raundin e dytë kanë të drejtë të marrin pjesë të gjithë maturantët që kanë konkurruar në raundin e parë me të njëjtën renditje preferencash të atij raundi. Nga kjo e drejtë përjashtohen fituesit në preferencën e parë, të cilët janë regjistruar në këtë program studimi dhe maturantët të cilët nuk kanë kërkuar vazhdimin e konkurrimit për preferenca më të larta gjatë regjistrimit online dhe që rezultojnë të regjistruar në programin e studimit të preferuar. Pas listës paraprake Agjencia Kombëtare e Provimeve bëri me dije se kishin mbetur rreth 3200 kuota të paplotësuara. Kaq mendohet që të jetë numri i studentëve që do të largohen jashtë vendit. Ndërsa numri i kuotave që do të përfshihen në formularin A3 mendohet të jetë më i lartë se kaq.
 panorama//

Perfundon regjistrimi online, si do publikohen vendet bosh

Deri ne mesnaten e mbremshme studentet kandidat neper fakultete kane pasur afat per tu regjistruar online ne dy mundesite qe jepen, pikerisht ne ate zgjedh perfundimisht degen ku ka fituar ne fazen e pare dhe te regjistrohet paraprakisht per te vijuar me tej konkurrimin per nje preference me lart. Nese ndonje nga kandidatet nuk eshte regjistruar dhe pret ndryshimin e preferences se zgjedhur per shkak te zhvendosjes se listes, ka humbur edhe te drejten e studimit. Pas mbylljes se kesaj faze listat shkojne serish ne Agjencine Kombetare te Provimeve per te dale perfundimisht me 2 tetor. “Fituesi qe deshiron te mbetet ne preferencen ku eshte shpallur fitues zgjedh opsionin “konfirmoj regjistrimin perfundimtar ne preferencen e fituar”. Fituesi qe deshiron te provoje per preferencat me siper preferences qe eshte shpallur fitues, duhet te zgjedhin opsionin “vazhdoj konkurrimin per nje preference me te larte”. Fituesi nuk e humbet preferencen e fituar, ne rast se sistemi nuk e gjen fitues ne preferencat me siper. Ne rast se sistemi e nxjerr fitues ne nje nga preferencat me siper asaj, ai shpallet fitues ne kete preference dhe humbet preferencen e vjeter”, thuhet ne njoftimin zyrtar te Ministrise se Arsimit. Sipas kesaj te fundit duket se cdo vit nje numer i madh studentesh nuk regjistrohen ne fazen e pare por largohen per te ndjekur studimet jashte vendit, fakt ky qe ndihmon shume studente qe nuk kane fituar degen e preferuar por edhe ata studente qe nuk kane fituar te drejten e studimit.

“Nga datat 8-13 tetor behet regjistrimi i te gjithe studenteve me dokumentacionin, dokument identifikimi, 2 fotografi, mandat arketimi i tarifes 1600 leke te paguar ne zyrat e postave”

Matura, MASH: Kujdes, koeficientët të ndryshëm sipas fakulteteve

Shumëzimi i pikëve bëhet me 1-1.4 në varësi të lëndëve me zgjedhje dhe profilit 

Disa ditë përpara nisjes zyrtare të procesit për plotësimin e formularit A2 online, specialistët e Arsimit sqarojnë për gazetën “Shqip” se maturantët duhet të bëjnë shumë kujdes me përllogaritjen e pikëve. Në një kohë kur kandidatët po bëjnë prova për plotësimin e formularit A2, nëpërmjet kopjes së vjetshme të tij, që ndodhet në sajtin zyrtar të Ministrisë së Arsimit, ekspertët bëjnë thirrje për përqendrim, por sidomos për vëmendje ndaj tabelave ku listohen koeficientët e lëndëve me zgjedhje. Sipas tyre, është një nga elementët më të rëndësishëm që ndikon automatikisht në mbledhjen e pikëve, përllogaritje që zbret ose ngre pikë, për degë të caktuara, në varësi të profilit të lëndëve me zgjedhje për të cilat janë testuar.
“Duket sikur procesi i maturës ka përfunduar tashmë për një pjesë të maturantëve në garë, por praktikisht një nga fazat më të rëndësishme është plotësimi i formularit të preferencave, ku të rinjtë listojnë 10 prej degëve ku do të dëshironin të studionin, sipas rëndësisë. Kjo është një nga hallkat bazë të këtij procesi, fazë që duhet respektuar me rigorozitet nga maturantët, që shpesh nxitohen duke bërë lëvizje të gabuara që ndikojnë në të ardhmen e tyre. Shumë maturantë, edhe pse të vënë herë pas here në dijeni të koeficientëve, që për lëndë të caktuara me zgjedhje është i ndryshëm, mendojnë se numri që kanë mbledhur nga shumëzimi me një koeficient të caktuar, është shuma e pikëve me të cilët konkurrojnë në çdo fakultet. Nisur nga kjo logjikë plotësisht e gabuar ata hyjnë në garë kuturu. Kjo, sepse harrojnë që në përputhje me formulën, notat e rezultateve me zgjedhje shumëzohet me koeficient nga 1-1.4, përcaktimi i të cilave bëhet në varësi të profilit: shoqëror ose shkencor, ku ky i fundit ka më shumë pikë”, shpjegojnë burime në MASH.
Ata theksojnë rëndësinë e të parit me vëmendje të koeficientëve të lëndëve me zgjedhje, duke qenë se pikët e mbledhura nga shumëzimi me një koeficient të caktuar mund të jenë më të larta dhe anasjelltas me një koeficient tjetër, përkatësisht të profilit shoqëror, që mund të jetë vetëm 1, 1.1 ose 1.3 maksimumi.
“Për shembull, nëse një kandidat për student preferon të studiojë në Fakultetin e Mjekësisë së Përgjithshme, degë që vendos ta listojë të parën në formularin A2, duhet së pari të rikujtojë lëndët me zgjedhje për të cilat është testuar. Nëse ka zgjedhur anglishten, gjuhën e huaj të parë dhe biologjinë e thelluar, duhet që shumën e arritur ta shumëzojë në përputhje me koeficientët e secilës lëndë, ku anglishtja e ka 1.3 për Fakultetin e Mjekësisë, ndërsa biologjia e thelluar 1.4 po për këtë fakultet. Mirëpo, kujdes! Kjo nuk do të thotë që e njëjta shumë i shërben për të konkurruar edhe në fakultetet e tjera. Nëse synon që në preferenca të listojë një Fakultetin e Psikologjisë, që i përket profilit shoqëror, anglishtja do të shumëzohet me 1.4, ndërsa biologjia e thelluar me 1.0. Madje, diferencë pikësh mund të ketë edhe brenda të njëjtit profil”, theksojnë specialistët e MASH.
Sipas tyre, Financa për shembull është degë e shkencave ekzakte, por kërkon medoemos që lëndët me zgjedhje për të cilat je testuar ti përkasin specifikisht kësaj fushe, në të kundërt pikët zbresin me një diferencë të konsiderueshme, për rrjedhojë gara bëhet edhe më e vështirë. E kundërta ndodh me maturantët që janë të mirinformuar, të cilët në përputhje me koeficientët bëjnë llogaritë e duhura dhe u drejtohen fakulteteve, kufiri i pikëve të secilëve korrespondon me pikët e grumbulluara në total nga kandidati për student.

Lëndët me zgjedhje, koeficientët
Në varësi të profilit, janë më të larta ose anasjelltas
Gjuhë e parë, Anglisht 1.3
Gjuhë e parë, Frëngjisht 1.3
Biologji e thelluar 1.3
Shkenca e tokës 1.3
Qytetari 1.3
Histori e thelluar 1.4
Gjeografi e thelluar 1.4
Ekonomi 1.3
Letërsi e thelluar 1.4
Matematikë e thelluar 1.1
Fizikë e Thelluar 1.3
Kimi e Thelluar 1.3
Biologji e thelluar 1.3
Trashëgimi kulturore 1.3
Sociologji 1.3
Gjuhë e dytë, Gjermanisht 1.1
Gjuhë e dytë, Spanjisht 1.1
Teknologji e thelluar 1.4
Filozofi 1.3

Maturantët, si të fitojnë shkollën që duan

Mjafton vetëm një përllogaritje e thjeshtë që maturanti, kandidat për në universitet të fitojë profesionin që dëshiron të bëjë në të ardhmen. Kjo, në përputhje edhe me mundësitë reale që ka ai, bazuar në mesataren dhe rezultatet e katër provimeve. Aktualisht maturantët kanë në duar rezultatet për të tre komponentët e Maturës Shtetërore, mesataren e tre viteve dhe rezultatet e dy lëndëve me detyrim. Për dy ditë, kohë në të cilën dalin dhe notat e provimeve me zgjedhje, ata janë gati për të plotësuar Formularin A2, i cili është vendimtar në përzgjedhjen e degës për të cilën do të studiojnë. Duke marrë parasysh kujdesin e veçantë që duhet treguar në plotësimin e këtij formulari, “Shekulli” ka komunikuar me drejtorin e Agjencisë Kombëtare të Provimeve, Alfons Harizaj i cili shpjegon mënyrën se si një maturant duhet ta plotësojë formularin në bazë të preferencave dhe mundësive të tij. Llogaritja e pikëve është një ndër hapat më të rëndësishëm që maturanti duhet të bëjë me kujdes. Provimi i Matematikës, i Letërsisë, lëndët me zgjedhje dhe mesatarja e katër viteve, të cilat kanë një peshë prej 20 për qind secila, janë komponentët që ndihmojnë ata për të llogaritur pikët. Formula e llogaritjes së pikëve është bërë publike përpara disa ditësh nga Ministria e Arsimit dhe Shkencës dhe Agjencia Kombëtare e Provimeve. Kështu secili maturant mund të përcaktojë totalin e pikëve të cilat mund t’i shërbejnë ose jo për të fituar degën që dëshirojnë. “Ata duhet të dinë fillimisht sa pikë kanë grumbulluar dhe pastaj të shikojnë se çfarë ofron sistemi. Kjo përkon me kuotat e studimit për çdo fakultet të cilat dihen tashmë. Ata kanë edhe informacion nga vitet e mëparshme duke ditur se cilat kanë qenë pikët e fituesit në vitet e kaluara ato që mund të bëjnë një llogaritje më të mirë. Lëvizjet e pikëve për t’u pranuar në universitet nuk është se do të kenë ndonjë ndryshim të madh”, pohon Harizaj. Pasi të bëjnë llogaritjet e pikëve, vetë maturantët duhet të shikojnë pikët e fituesit të fundit për vitet e kaluara. Më tej, secili prej tyre mund të plotësojë Formularin A2 në bazë të pikëve të përafërta që ka secila prej degëve që ai ka parapëlqyer. Rol të rëndësishëm në përllogaritje luajnë edhe koeficientet e shkollave të cilat janë 1.3 dhe 1.4. Kjo skemë vlerësimi është e njëjtë për 264 degët që ka vënë në dispozicion Ministria e Arsimit dhe Shkencës.

Shembull për të bërë përllogaritjen e pikëve

 Harizaj bën të ditur se formula e llogaritjes së pikëve është e njëjtë me atë të vitit të kaluar, formulë të cilën duhet ta përdorë çdo maturant. MASH ka vënë në dispozicion një formulë të tillë:(D1 + D2 + M) x k1 + (T1 + T2) x k2) x 100 = X. Sipas kësaj formule, M është mesatarja e katër viteve të gjimnazit, me D1 shënohet provim i detyruar i Letërsisë, me D2 provim i detyruar i Matematikës, T1 është provimi me zgjedhje 1, T2 është provimi me zgjedhje 2. Ndërsa me k1 dhe k2 janë shënuar koeficienti sipas shkollës së kryer dhe koeficienti sipas provimeve me zgjedhje. Me këtë formulë nxënësit mësojnë sa pikë kanë përpara se të plotësojnë formularin A2 me anë të të cilit do të zgjedhin preferencat. Edhe pse formula nuk është aq e komplikuar, po marrim një shembull konkret ku secili maturant mund të bëjë më thjeshtë llogaritjen e pikëve. Presupozojmë që X maturant dëshiron të aplikojë në Universitetin e Tiranës për të vazhduar studimet ne degën e Mjekësisë. Maturanti ka mbaruar shkollën e mesme të përgjithshme me profil natyror, e cila i jep automatikisht një koeficient 1.4 dhe me një notë mesatare nga shkolla e mesme 8.34. Në dy provimet e detyruara ka marrë përkatësisht notat 8.72 dhe 9.15. në lidhje me degën për të cilën dëshiron të studiojë ajo ka zgjedhur në provimin me zgjedhje Fizikën dhe Biologjinë. Në dy provimet e fundit po supozojmë se është vlerësuar me notën 9.23 dhe 9.52. Mesatarja dhe rezultatet e provimeve me detyrim do të shumëzohen me koeficientin për llojin e shkollës që është 1.4. Ndërsa rezultatet e dy provimeve me zgjedhje do të shumëzohen me koeficientin për bllokun me lëndët me zgjedhje të preferuara nga maturanti. Në rastin konkret ata figurojnë me 1.3. Shumëzimi i tyre do të japë në total një sasi pikësh. Në bazë të kësaj shume, maturantët do të shikojnë pikët minimale që iu duhen për të përfituar shkollën që dëshirojnë të ndjekin.

 Pasnesër, rezultati i lëndëve me zgjedhje

Formulari A2 do të publikohet pasi të jenë publikuar të gjitha notat

Ditën e djeshme ka përfunduar korrigjimi i provimit të lëndëve me zgjedhje. Drejtori i Agjencisë Kombëtare të Provimeve, Alfons Harizaj bën me dije për “Shekullin” se brenda ditës së premte maturantët do të kenë në duar dy rezultatet e provimit të lëndëve me zgjedhje. Këto nota do të jenë vendimtare për plotësimin e Formularit A2 në të cilin do të rendisin dhjetë preferencat e tyre për në universitet. Në bazë të kuotave të reja që janë shpallur vetëm pak ditë më parë, ata do të mund të llogarisin mundësitë reale që kanë për të studiuar në degën që dëshirojnë. Harizaj bën me dije se ky formular do të publikohet pas daljes së dy rezultateve të fundit për të bërë llogaritjen e pikëve. Specialistët e MASH kanë lënë posaçërisht një datë të tillë në mënyrë që preferencat e tyre të jenë në përputhje me mundësitë reale që kanë ata për të fituar degën që dëshirojnë. Kandidatët, që kërkojnë të studiojnë për një program të parë studimi në vitin akademik 2013 – 2014, në programet e studimeve të ciklit të parë me kohë të plotë në: Universitetin e Arteve të Tiranës, Universitetin e Sporteve të Tiranës, Akademinë e Arteve Shkodër, universitetin “Aleksandër Xhuvani”, Elbasan (programi i studimit “Edukim fizik dhe sporte”), universitetin “Luigj Gurakuqi”, Shkodër, (programi i studimit “Edukim fizik dhe sporte”), universitetin “Aleksandër Moisiu”, Durrës, (programet e studimit të Fakultetit të Studimeve të Integruara me Praktikën), si dhe në Universitetin Politeknik të Tiranës (programet e integruara të ciklit të dytë “Arkitekturë” dhe “Arkitekturë -Urbanist”) duhet të plotësojnë edhe kriteret e veçanta (përfshirë këtu konkurset e pranimit) të vendosura nga vetë.

Nxënësit e profesionaleve, 1 muaj praktikë në biznese

Nxënësit që përfundojnë arsimin profesional, do të kryejnë 1 muaj praktikë pranë shoqërive tregtare nën udhëheqjen e një mentori. Me një vendim të posaçëm të botuar tashmë në Fletoren Zyrtare, qeveria ka përcaktuar mënyrën si do kryhet kjo praktikë. Do të jetë Ministria e Arsimit që do të përcaktojë sa do të jetë numri i nxënësve praktikantë pranë një shoqërie tregtare. Përfshirja e shoqërisë tregtare në këtë veprimtari do të bëhet me anë të një kontrate të posaçme. Shpenzimet e shoqërive që do pranojnë nxënës, do të mbulohen nga shteti. Qeveria ka përcaktuar kufirin e këtyre shpenzimeve, që nuk duhet tejkaluar. Shoqëritë tregtare mbi bazën e kontratës do të përfshihen në praktika nëpërmjet pranimit të nxënësve pranë mjediseve të tyre, mbështetje me burime njerëzore që këto shoqëri do t’u ofrojnë shkollave profesionale, si dhe vënies në dispozicion të materialeve të domosdoshme për kryerjen e këtyre praktikave. Normat ditore të përcaktuara nga qeveria për shpenzimet nuk duhet të tejkalohen. Pavarësisht politikave të ndërmarra dhe bursave të ofruara, arsimi profesional mbetet pak i preferuar nga nxënësit. Kjo ndonëse vendit i duhet shumë më shumë teknikë sesa juristë, me të cilët tregu është i supermbushur. Sipas MASH, rreth 80 për qind e nxënësve që kanë mbaruar shkollat profesionale në Shqipëri, janë të punësuar. Edhe pas rritjes me 23% të numrit të nxënësve në sistemin arsimor profesional, niveli arsimor nuk është i kënaqshëm. Sipas MASH, mësuesit i kushtojnë pak vëmendje hartimit të planit vjetor lëndor, duke i dhënë vlerën e një “dokumenti formal” që nuk shfrytëzohet në punën e tyre të përditshme. Po ashtu, kurrikulat me zgjedhje dhe orët e lira nuk plotësohen në bazë të preferencave të nxënësve. Ka raste kur zgjedhja nuk plotëson kriteret, prandaj ndodh që nxënës me rezultate të ulëta “zgjedhin” lëndë të avancuara apo e gjithë klasa “preferon” të njëjtën lëndë. Gjithashtu orët e lira planifikohen kryesisht për veprimtari, module apo projekte, por mënyra se si hartohen dhe realizohen ato, nuk plotëson formatet dhe kërkesat përkatëse. Për t’i nxitur nxënësit që të ndjekin shkollat profesionale, Ministria e Arsimit ka përpunuar strategji për hapjen e disa degëve dhe profileve të reja, si dhe për zbatimin e paketës së bursave për nxënësit konviktorë. Por, këto nisma duket se nuk kanë qenë shumë të efektshme.